Хайр хайр байвч
Харьцуулж мэдэх хэмжээгүй
Хар цагаан өнгөгүй
Харагдаh биегүй хоосн
Уур уур байвч
Ураад хаяж болохгүй
Урсгаад явуулж чадахгүй
Учир нь олдохгүй хоосон
Салхи салхи байвч
Сайхан муухай амтгүй
Савлаад авч болохгүй
Сарниулж хорихгүй хоосон
Зүүд зүүд байвч
Зүүгээр урлаж хийхгүй
Зүрхэнд дандаа тогтохгүй
Зүг нь мэдэгдэхгүй хоосн
Сүүдэр сүүдэр байвч
Сүүлд нийлж салахгүй
Сүлжиж нугалж болохгүй
Сүнс шиг дагадаг хоосон
Зэрэглээ зэрэглээ байвч
Зэмвэлч дуудавч ирэхгүй
Зэрэгцэж очиж гүйцэхгүй
Зэмлэж харагдах хоосон
Зовлон зовлон байвч
Зорж сийлж өөрчлөхгүй
Зоос төлвөл нимгэрэхгүй
Зоргоороо байдаг хоосон
Жаргал жаргал байвч
Жаазалж тахиж болохгүй
Жалганд хурааж хариулахгүй
Жамаараа байдаг хоосон
Бурхан бурхан байвч
Буруу шүтвэл буянгүй
Бузар тусвал арилахгүй
Буянаараа байдаг хоосон
Үхэл үхэл байвч
Үүдийг нь давбал буцахгүй
Үйлийг нь ирвэл өршөөхгүй
Үргэлжлэл нь харагдахгүй хоосон
Хоосон хоосон байвч
Хойд төрлөө мэдэхгүй
Хоёр төрсөн ч санахгүй
Хорвоо бүхэлдээ хоосон
No comments:
Post a Comment